ໃນວັນທີ 30 ສິງຫາ 2019ຜ່ານມານີ້ ທີ່ສະໂມສອນເມືອງທ່າປາງທອງ ແຂວງສະຫັວນນະເຂດ ໄດ້ຈັດພິທີປະຖະກາຖາເລົ່າມູນເຊື້ອ 04 ວັນປະຫັວດສາດຄື:ວັນລັດຖະທຳມະນູນ ແຫ່ງ ສປປລາວ ຄົບຮອບ 28 ປີ ( 15/8/1991-15/8/2019 ),ວັນຢືດອຳນາດ ວັນທີ 23 ສີງຫາ ຄົບຮອບ 44 ປີ ( 23/8/1945-1975 ),ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 17 ປີ ( 9/9/2002-9/9/2019 ) ແລະ ວັນສ້າງຕັ້ງອາຊຽນ ຄົບຮອບ 42 ປີ (8/8/1967-8/8/2019).

ຂື້ນຢ່າງເປັນທາງການ ພາຍໃຕ້ການເປັນປະທານຂອງທ່ານ ຄຳປະສົງ ຂົງຄຳ ຮອງເຈົ້າເມືອງທ່າປາງທອງ,ພ້ອມມີບັນດາທ່ານໃນຄະນະປະຈຳພັກເມືອງ,ກຳມະການພັກເມືອງ,ຫົວໜ້າ ການ,ຄະນະກອງບັນຊາການປກຊ,ປກສເມືອງ,ສະມາຊິກພັກ,ພະນັກງານ,ລັດຖະກອນ,ທະຫານ ,ຕຳຫຼວດຕະຫຼອດເຖິງໜ່ວຍສະຫະພັນນັກຮົບເກົ່າຂັ້ນບ້ານເຂົ້າຮ່ວມຈຳນວນ 97 ຄົນຍີງ 35 ຄົນ
ໃນພິທີໄດ້ຮັບຟັງການປະຖະກາຖາເລົ່າມູນເຊື້ອການເຕີບໃຫ່ຍຂະຫຍາຍຕົວ,ມູນເຊື້ອພິລາອາດຫານ ທັງນີ້ກໍ່ເພື່ອເຮັດໃຫ້ພະນັກງານທະຫານ ຕຳຫຼວດ ຮັບຮູ້ ແລະເຂົ້າໃຈເພື່ອນຳໄປປະຕິບັດເຂົ້າໃນໜ້າທີ່ວຽກຂອງຕົນ.

ຂ່າວ-ພາບ:ດວງໃຈ ແສນບຸດຕະລາດ