ກະຊວງສຶກສາ​ທິ​ການ ແລະ  ກິລາ (ສສກ),  ສະຖານທູດ​ອົສຕຣາ​ລີ ແລະ ​ສະຫະພາບ​ເອີ​ຣົບ ໄດ້​ສະໜັບສະ​ໜູນ​ທຶນ​ໂດຍ​ຜ່ານ​ແຜນ​ງານ​ບີ​ຄວາ ໃນ​ການ​ຈັດ​ຝຶກ​ອົບຮົມ​ຄູ​ຝຶກ​ຫຼັກ​ແຫຼ່ງ​ຈຳນວນ 59 ທ່ານ ກ່ຽວ​ກັບ​ວິທີການ​ສອນ​ຂອງ​ຄູ, ໄດ້​ຈັດ​ຝຶກ​ອົບຮົມ​ຍົກ​ລະດັບ​ໃຫ້​ຄູ​ຝຶກ ກ່ຽວ​ກັບ​ການ​ນຳ​ໃຊ້​ຫຼັກສູດ​ສະບັບ​ປັບປຸງ​ໃໝ່  ລວມ​ທັງ​ປຶ້ມ​ແບບຮຽນ, ຄູ່​ມື​ຄູ/ວິທີ​ສອນ ແລະ ສື່​ການ​ຮຽນ​ການ​ສອນ ສໍາ​ລັບ ປ.2 ຂຶ້ນ​ໃນ​ວັນ​ທີ 9 ມິຖຸນາ ທີ່​ນະຄອນຫຼວງວຽງ​ຈັນ

ພາຍໃຕ້​ການ​ເປັນ​ປະທານຮ່ວມ ​ກ່າວ​ເປີດ​ຊຸດ​ຝຶກ​ອົບຮົມ​ຂອງ​ທ່ານ ອອ່ນ​ແກ້ວ ນວນ​ນະວົງ ຜູ້ອຳນວຍການ​ສະ​ຖາບັນວິ ທະຍາສາດ​ການ​ສຶກສາ ກະຊວງ ສຶກສາ​ທິ​ການ ແລະ ກິລາ, ທ່ານ​ນາງ ເຈນ ແຊນເລີ  (Jane Chandler), ຮອງ​ເອກ​ອັກ​ຄະ​ລັດ​ຖະ​ທູດ, ສະຖານທູດ​ອົສ​ຕຣາ​ລີ ປະຈຳ ສປປ ລາວ  ຊຶ່ງ​ມີ​ພະນັກງານ​ຄູ​ຝຶກ ແລະ ພາກ​ສ່ວນ​ກ່ຽວຂ້ອງ​ເຂົ້າ​ຮ່ວມໃນ​ການ​ຝຶກ​ອົບຮົມ​ຄັ້ງນີ້.

ຄູ​ຝຶກ​ແມ່ນ​​ໄດ້​ພ້ອມ​ກັນ​ຮຽນ​ຮູ້​ກ່ຽວ​ກັບ​ການ​ນຳ​ໃຊ້​ເຄື່ອງ ມືຫຼັກສູດ​ຮຽນ ຊັ້ນ ປ.2 ສະບັບ​ປັບປຸງ​ໃໝ່ ເປັນຕົ້ນ​ແມ່ນ​​ໄດ້​ລົງ​ເລິກ​ເນື້ອ​ໃນ​ລະອຽດ, ມີ​ການ​ທົບ​ສອບ ແລະ ວິເຄາະກິດ ຈະກຳ​ທີ່​ຈະ​ນຳໄປ​ໃຊ້​ໃນ​ຫ້ອງ​ຮຽນ​ຊັ້ນ​ຕ່າງໆ ແລະ ລວມເອົາ​ ຜົນ​ໄດ້​ຮັບ​ຈາກ​ການ​ຈັດ​ຝຶກ​ ອົບຮົມ​ຄູ​ຊັ້​ນ ປ.1 ທີ່​ຜ່ານ​ມາ, ນຳ​ສະເໜີ​ພາບ​ລວມ​ຂອງ​ເນື້ອ​ໃນ​ວິຊາ​ໃນ​ຫຼັກສູດ​ຊັ້ນ ປ.2 ວິທີ​ການ​ສອນ​ວິຊາ​ພາສາລາວ ແລະ ເຕັກນິກ​ຕ່າງໆ​ທີ່​ນຳໃຊ້​ເຂົ້າ​ໃນ​ການ​ຮຽນ​ ການ​ສອນ, ຝຶກ​ວິທີ​ການ​ນຳ​ໃຊ້​ປຶ້ມ​ແບບຮຽນ ແລະ ປຶ້ມ​ອ່ານ​ເສີມ, ການ​ສອນ​ຫ້ອງ​ຄວບ ແລະ ນຳ​ໃຊ້ວິ​ດີໂອ​ ການ​ພັດທະນາ​ວິຊາ​ຊີບ​ຄູ​ແບບ​ຕໍ່​ເນື່ອງເປັນ​ເຄື່ອງມື​ໃນ​ການ​ຊ່ວຍເຫຼືອ​ເພື່ອ​ເພີ່ມ​ທັກ​ສະຂອງ​ຕົນ​ເອງ​ໃຫ້​ດີ​ຂຶ້ນ​ກວ່າ​ເກົ່າເປັນຕົ້ນວິທີ​ການ​ຮຽນ​ຮູ້​ດ້ວຍ​ຕົນ​ເອງ ແລະ ການ​ຝຶກ​ວິທີ​ການ​ສົ່ງ​ມອບ​ຕໍ່​ການ​ຝຶກ​ອົບຮົມ​ນີ້​ໄປ​ຫາ​ຄູ.

ຄູ​ຝຶກ​ທຸກ​ຄົນ​ຍັງ​ຈະ​ໄດ້​ຮັບ​ຊົມວິ​ດີ​ໂອ​ການ​ພັດທະນາ​ຄູ ທີ່​ທາງສະ​ຖາ​ບັນ​ຄົ້ນຄວ້າ​ວິ​ທະ​ຍາ​ສາດ​ການ​ສຶກສາ ຮ່ວມ​ກັບ ກົມ​ສ້າງ​ຄູ ຜະລິດ​ອອກ​ມາ​ໂດຍ​ໄດ້​ຮັບ​ການ​ສະໜັບສະໜູນ​ຈາກ​ແຜນ​ງານ​ບີ​ຄວາ ເພື່ອ​ນຳ​ເອົາ​ໄປ​ເປັນ​ເຄື່ອງມື​ຊ່ວຍເຫຼືອ​ໃຫ້​ແກ່​ຄູ​ໃນ​ການ​ນຳ​ໃຊ້​ຫຼັກສູດ​ສະບັບ​ປັບປຸງ​ໃໝ່​ນີ້.

ທັງ​ໝົດ​ນີ້​ຈະ​ຊ່ວຍ​ສົ່ງເສີມ​ທັກ​ສະ ແລະ ຄວາ​ມ​ຮູ້​ທີ່​ຈຳເປັນ​ໃຫ້​ແກ່​ຜູ້​ຝຶກ​ທຸກໆ​ຄົນ ເພື່ອ​​ນຳ​ເອົາ​ໄປ​ຝຶກ​ຕໍ່ໃຫ້​ແກ່​ຄູ​ຝຶກ​ຂັ້ນ​ແຂວງ​ຈຳນວນ 599 ທ່ານ ໂດຍ​ທັງ​ໝົດ​ນັ້ນ​ຈະ​ນຳ​ເອົາ​ໄປ​ຝຶກ​ຕໍ່​ອີກ​ເທື່ອ​ໜຶ່ງ​ໃຫ້​ແກ່ ຄູ​ສອນ​ຊັ້ນ ປ.2 ຈຳນວນ 9.843 ທ່ານ ແລະ ຄູ​ສຶກສາ​ນິເທດ ຈຳນວນ 561 ທ່ານ ໃນ​ຂອບ​ເຂດ​ທົ່ວ​ປະເທດ  ແລະ ອີກ​ຈຸດປະສົງ​ໜຶ່ງ​ແມ່ນ​ເພື່ອ​ໃຫ້​ຄູ​ຝຶກ​ໄດ້​ເຂົ້າໃຈ​ວິທີ​ການ​ປະຕິບັດ​ຢ່າງ​ຈະແຈ້ງ  ແລະ  ສົ່ງເສີມ​ມາດ ຕະການ ການ​ປ້ອງ​ກັນເຊື້ອ​ພະ ຍາດ​ໂຄ​ວິດ-19 ເພື່ອນຳໄປເຜີຍ ແຜ່​ໃຫ້​ນັກຮຽນ​ໃນ​ຫ້ອງ​ຮຽນ.

Medialaos MMD