ພາບປະກອບ

ອີງຕາມແຫຼ່ງຂ່າວຊິນຮວາ ລາຍງານໃຫ້ຮູ້ວ່າ: ຈີນ ເປັນປະເທດນຳໜ້າໃນການພັດທະນາພື້ນຖານໂຄງລ່າງດີຈີຕອນ ແລະ ເປັນຄູ່ຮ່ວມມືໃຫຍ່ຂອງ ອາຊຽນ ໃນການຊຸກຍູ້ພື້ນຖານເສດຖະກິດດີຈີຕອນໃນພາກພື້ນ.

ທ່ານ ຢີວູ ລັດຖະມົນຕີກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານ ຈີນ ໃຫ້ຮູ້ວ່າ: ຈີນ ແລະ ອາຊຽນ ຈະເປີດກວ້າງການຮ່ວມມືໃນຂົງເຂດເຕັກໂນໂລຊີ 5G, ເຊື່ອຕໍ່ອິນເຕີເນັດສັບພະສິ່ງ (LoT), ປັນຍາປະດິດ, ໝູນໃຊ້ LoT ເຂົ້າໃນຂົງເຂດຜະລິດ ກໍຄືໝູນໃຊ້ເຕັກນິກດີຈີຕອນເຂົ້າໃນການປ້ອງກັນ, ສະກັດກັ້ນພະຍາດລະບາດ ໂຄວິດ -19. ຈີນ ແລະ ອາຊຽນ ໄດ້ໃຫ້ຄຳໝັ້ນສັນຍາວ່າ ຈະເພິ່ມທະວີການຮ່ວມມືໃນຂົງເຂດເສດຖະກິດດີຈີຕອນ, ເຊິ່ງເປັນຂີດໝາຍໃຫ້ແກ່ການເລິ່ມຕົ້ນປີຮ່ວມມືເສດຖະກິດດີຈີຕອນ ຈີນ – ອາຊຽນ.

ໃນຂະນະນັ້ນ, ທ່ານ ລີມ ຈົກໂຮຍ ເລຂາທິການໃຫຍ່ອາຊຽນ ໃຫ້ຮູ້ວ່າ: ຈີນ ແມ່ນປະເທດນຳໜ້າໃນການພັດທະນາພື້ນຖານໂຄງລ່າງດີຈີຕອນ ແລະ ແມ່ນຄູ່ຮ່ວມມືໃຫຍ່ຂອງອາຊຽນ ໃນການຊຸກຍູ້ພື້ນຖານເສດຖະກິດດີຈີຕອນໃນພາກພື້ນ.

Medialaos MMD by ໜັງສືພິມ ກອງທັບປະຊາຊົນລາວ