ລະດັບນ້ຳເຊລະນອງເພີ່ມຂຶ້ນເລື້ອຍໆ ປະຊາຊົນ ບາງຄອບຄົວ ກຽມຍ້າຍເຄືອງຂອງ ອອກຈາກພື້ນທີ່.ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍວັນໂດຍເລີ່ມແຕ່ວັນທີ 28 ສິງຫາ ຈົນມາຮອດປັດຈຸບັນ ກໍ່ຍັງບໍ່ມີທ່ວງທ່າວ່າຈະເຊົາ, ເສັ້ນທາງຫຼາຍເສັ້ນພາຍໃນເມືອງນອງ ຖືກຕັດຂາດ, ນ້ໍ້າຖ້ວມທາງ,ລະດັບນ້ຳເຊລະນອງ ບ້ານ ນອງວິໄລ ເມືອງນອງ ແຂວງສະຫວັນນະເຂດ ຍັງເພີ່ມຂຶ້ນເລື້ອຍໆ ປະຊາຊົນ ບາງຄອບຄົວ ກຽມຍົກຍ້າຍສິ່ງຂອງເຄື່ອງໃຊ້ຕ່າງໆທີ່ຈຳເປັນ ໄປໄວ້ບ່ອນທີ່ປອດໄພ, ອີງຕາມການລາຍງານຈາກກົມອຸຕຸນິຍົມ ແລະອຸທົກກະສາດ ,ຫຼາວັດແທກລະດັບນ້ຳ ຢູ່ທ່າວັດສີບຸນເຮືອງ ເມືອງນອງ ໃນເວລາ7 :00 ນາທີ ຂອງວັນທີ3 ກັນຍາ 2019 ນີ້, ນ້ຳເຊລະນອງເພີ່ມຂື້ນໃນລະດັບ 9 ແມັດ 74 ຊັງຕີແມັດ;

ຕາມການລາຍລາຍງານຂອງຫົວໜ້າຫ້ອງການ ຍທຂ ເມືອງ ແລະຜູ້ສື່ຂ່າວຂອງເມືອງນອງ ໄດ້ລົງເກັບກຳຂໍ້ມູນຕົວຈິງເຫັນວ່າ: ນໍ້າໄດ້ຖ້ວມເສັ້ນທາງຫຼາຍເສັ້ນຄື: ເສັ້ນທາງບ້ານດົງ ຫາເມືອງນອງ ຢູ່ເຂດບ້ານດົງໃຫຍ່ ຫາບ້ານສະທຶມໃນຫຼັກກິໂລແມັດທີ 2, ເສັ້ນທາງແຕ່ບ້ານນາລົງຫາບ້ານແດນວິໄລ, ຂົວຈົມ ແລະເສັ້ນທາງທີ່ເປັນຮ່ອງຫ້ວຍ, ເປັນຂົວຈົມຫຼາຍແຫ່ງຖືກນ້ຳຖ້ວມເຊັ່ນ: ຫ້ວຍບ້ານາລົງ,ຫ້ວຍບ້ານອາສີງ, ເສັ້ນທາງ ບ້ານ ນາລົງເກົ່າ ຫາ ບ້ານ ແດນວິໄລ, ນ້ຳຖ້ວມຂົວຈົມຄື: ຂົວຈົມຫ້ວຍສະວຽງ, ຂົວຈົມ ຫ້ວຍລະຕາມ, ຂົວຈົມ ຫ້ວຍຕະກອຍ1, ຕະກອຍ2 ປັດຈຸບັນບໍ່ສາມາດສັນຈອນໄປມາໄດ້ເນື່ອງຈາກກະແສນ້ຳໄຫຼແຮງ,

ສະນັ້ນຈຶ່ງຂໍຝາກເຕືອນປະຊາຊົນຢູ່ໃນທຸກເຂດຂອງເມືອງນອງທີ່ສັນຈອນໄປມາໃຫ້ມີຄວາມລະມັດລະວັງກັນຕ່ືມ ແລະໃຫ້ ເຝົ້າລະວັງລະດັບນໍ້າຂື້ນ ເພື່ອທີ່ຈະກະກຽມຂົນຍົກຍ້າຍເຄື່ອງຂອງອອກຈາກພື້ນທີດັ່ງກ່າວນັ້ນໃຫ້ທ່ວງທັນ ຖ້າຫາກຝົນຍັງຕົກລິນຕິດຕໍ່ກັນເປັນເວລາຫຼາຍວັນ ຄາດວ່າປະຊາຊົນ ທີ່ຢູ່ລຽບຕາມສາຍເຊລະນອງ ຈະໄດ້ຮັບຜົນກະທົບແນ່ນອນ ແລະເສັ້ນທາງ ບ້ານຕໍ່ບ້ານ ຫຼາຍເຂດ, ຫຼາຍບ່ອນຈະຖືກຕັດຂາດ.