ວິທະຍາໄລການເງິນພາກໃຕ້ ແມ່ນໜຶ່ງໃນ 3 ສູນຂອງແຂວງ ທີ່ໄດ້ເລືອກໃຫ້ເປັນບ່ອນກັກກັນແຮງງານທີ່ກັບມາແຕ່ປະເທດໄທ, ປັດຈຸບັນແມ່ນໄດ້ເປີດການຮຽນ-ການສອນປົກກະຕິແລ້ວ, ເຊິ່ງຢູ່ແຂວງຈຳປາສັກ ມີ 3 ສູນກັກກັນ ຄື: ສູນພັດທະນາສີມືແຮງງານຫລັກ 7, ສູນກັກກັນຫລັກ 21 ທັງສອງສູນນີ້ບໍ່ພຽງພໍຕໍ່ການຮອງຮັບແຮງງານທີ່ມາຈາກໄທ ຈຶ່ງໄດ້ນຳໃຊ້ວິທະຍາໄລດັ່ງກ່າວ ເປັນສູນກັກກັນ ເປັນສູນທີ 3.

ທ່ານ ນາງ ບຸນເພັງ ພົມມາພັກດີ ຜູ້ອຳນວຍການ ວິທະຍາໄລການເງິນພາກໃຕ້ ໄດ້ລາຍງານຕໍ່ສື່ມວນຊົນ ໃນໂອ ກາດລົງມາເຮັດວຽກຢູ່ແຂວງຈຳປາສັກ ໃນລະຫວ່າງວັນທີ 6-10 ກໍລະກົດ 2020 ນີ້ວ່າ: ວິທະຍາໄລການເງິນພາກໃຕ້ ແມ່ນໂຮງຮຽນໜຶ່ງທີ່ໄດ້ຮັບເລືອກ ແລະ ປະກອບສ່ວນເຂົ້າ ໃນວຽກງານການກັກກັນແຮງງານທີ່ກັບມາແຕ່ປະເທດ ໂດຍປະຕິບັດຕາມທິດຊີ້ນຳຂອງຂັ້ນເທິງ ກໍຄື ຄະນະນຳຂອງແຂວງຈຳປາສັກ. ດັ່ງນັ້ນໃນການປະກອບສ່ວນຄັ້ງນີ້, ໂຮງຮຽນແມ່ນໄດ້ກໍານົດເອົາ 3 ຕຶກ, ຕຶກລະ 5 ຊັ້ນ ລວມມີ 40 ຫ້ອງ ເພື່ອເປັນບ່ອນກັກກັນ, ແຕ່ພາຍຫລັງແຮງງານອອກໝົດແລ້ວ ທາງໂຮງຮຽນແມ່ນໄດ້ມີການສີດຢາຂ້າເຊື້ອກ່ອນໄລຍະ 1 ເດືອນ ເພື່ອສ້າງຄວາມເຊື່ອໝັ້ນໃຫ້ກັບພະນັກງານ ແລະ ນັກຮຽນທີ່ຈະກັບເຂົ້າມາຮຽນອີກຄັ້ງ, ໂດຍໃນການກັບມາເປີດຮຽນໃໝ່ນີ້ ທາງໂຮງຮຽນກໍຍັງໄດ້ສືບຕໍ່ມາດຕະການປ້ອງກັນພະ ຍາດໂຄວິດ-19 ເປັນຕົ້ນແມ່ນ ການໃສ່ຜ້າອັດປາກ, ການເວັ້ນໄລຍະຫ່າງ, ສ້າງບ່ອນລ້າງມື ແລະ ວັດແທກອຸນຫະພູມເປັນປະຈຳ.

ໃນໄລຍະທີ່ໄດ້ມີການໂຈະການຮຽນການສອນຊົ່ວຄາວ ເພື່ອຫລຸດຜ່ອນການແຜ່ລະ ບາດຂອງພະຍາດໂຄວິດ-19 ທາງວິທະຍາໄລ ໄດ້ອອກແຈ້ງການ ແລະ ມອບໃຫ້ຄູປະຈໍາວິຊາທີ່ມີຄວາມສາມາດນຳໃຊ້ສື່ການສອນຜ່ານລະບົບອອນລາຍ ເພື່ອເຮັດໃຫ້ການຮຽນ-ການສອນ ມີລັກສະນະຕໍ່ເນື່ອງ.
ສຳລັບ ວິທະຍາໄລການເງິນພາກໃຕ້ ແມ່ນຕັ້ງຢູ່ບ້ານພັດທະນາໂນນສະ ຫວ່າງ ນະຄອນປາກເຊ ແຂວງຈຳປາສັກ, ມີນັກຮຽນທັງໝົດ 900 ກວ່າຄົນ, ອາຈານ 75 ຄົນ, ສ່ວນລະບົບການຮຽນ-ການສອນ ລວມມີ 2 ລະດັບ ຄື: ລະດັບອານຸປະລິນຍາ ປະກອບມີ 5 ຫລັກສູດ ຄື: ສາຂາການເງິນ-ການບັນຊີ, ສາຂາການບັນຊີວິສາຫະກິດ ແລະ ກວດສອບ, ສາຂາຄຸ້ມຄອງການເງິນແຫ່ງລັດ, ຄຸ້ມຄອງການເງິນວິສາ ຫະກິດ ແລະ ສາຂາການເງິນ-ການທະນາຄານ. ນອກນັ້ນ, ຍັງມີລະບົບປະລິນຍາຕີຕໍ່ເນື່ອງປະກອບມີ 2 ຫລັກ ສູດ ເປັນຕົ້ນ ສາຂາການບັນຊີວິສາຫະກິດ-ກວດສອບ ແລະ ການເງິນ-ການທະນາຄານ.