ໃນຕອນທຽ່ງຂອງວັນທີ 27 ກໍລະກົດ 2020 ການນໍາພັກ-ລັດ, ພ້ອມດ້ວຍປະຊາຊົນ ແລະ ຊາວໝຸ່ມ ແຂວງບໍລິຄຳໄຊ, ນຳພາໂດຍ ທ່ານ ກອງແກ້ວ ໄຊສົງຄາມ ເຈົ້າແຂວງ ບໍລິຄຳໄຊ ເປັນກຽດຕ້ອນຮັບ ຂະບວນແຫ່ຮູບຫລໍ່ ຂອງພະຈົ້າໄຊຍະເຊດຖາທິຣາດ ມະຫາຣາດ, ພ້ອມດ້ວຍຊ້າງ ແລະ ພະພຸດທະຮູບ ຢູ່ເທດສະບານເມືອງປາກຊັນ ເພື່ອມຸ່ງໜ້າໄປສູ່ຈຸດທີ່ພັກ ຢູ່ໂຮງແຮມສຸນັນທາ. ຖືວ່າເປັນແຂວງທຳອິດ ທີ່ຂະບວນໄດ້ມາ ແວ່ພັກຄ້າງຄືນ ເພື່ອສະເຫລີມສະຫລອງຄົບງັນ ແລະ ເຮັດພິທີທາງສາສະໜາ.

ສຳລັບໃນຕອນຄ່ຳ ໄດ້ມີພິທີສູດປະລິຕະມຸງຄຸນ, ຟັງທຳມະເທດສະໜາ ເສີມບຸນປາລະມີ ຈາກພະສົງ 16 ອົງ, ພ້ອມທັງເປີດໂອກາດ ໃຫ້ມວນຊົນເຂົ້າກາບໄຫ້ວ ຊັກກະລະບູຊາ ແລະ ໂມທະນາທານຕາມສັດທາ,

ສ່ວນໃນ ຕອນເຊົ້າຂອງ ວັນທີ 28 ກໍລະກົດ 2020 ໄດ້ມີພິທີໃສ່ບາດແດ່ພະສົງສາ ມະເນນ ເພື່ອອຸທິດບຸນກຸສົນ ເຖິງພະເຈົ້າໄຊຍະເຊດຖາທິຣາດ ມະຫາຣາດ ກ່ອນຈະເຄື່ອນຍ້າຍ ໄປສູ່ແຂວງຄຳມ່ວນ.

Medialaos MMD (ແຫູ່ງຂໍ້ມູນຈາກ: ສຳນັກຂ່າວສານປະເທດລາວ)