ວັນທີ 28/7/2020 ອະນຸກໍາມະການໂຄສະນາ ແລະ ຂະບວນການ ກອງປະຊຸມໃຫຍ່ຄັ້ງທີ XI ຂອງພັກ ລົງເຄື່ອນໄຫວຊຸກຍູ້ຂະບວນການ ຢູ່ແຂວງຫຼວງພະບາງ ນຳໂດຍ ສະຫາຍ ປ້ານ ນ້ອຍມະນີ ປະທານສູນກາງກໍາມະບານລາວ, ຮອງຄະນະອະນຸກໍາມະການໂຄສະນາ ແລະ ຂະບວນ ການ ກອງປະຊຸມໃຫຍ່ຄັ້ງທີ XI ຂອງພັກ, ສະຫາຍ ພົຈ. ສົມພອນ ແກ້ວມີໄຊ ປະທານສະຫະພັນນັກຮົບເກົ່າແຫ່ງຊາດ

ສະຫາຍ ສະຫວັນຄອນ ລາຊະມຸນຕີ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມພື້ນຖານການຜະລິດໄຄແຜ່ນອົບກອບ ຂອງກຸ່ມທຸລະກິດໄຄແຜ່ນຊຸມຊົນ ຢູ່ເມືອງນໍ້າບາກ ແຂວງຫຼວງພະບາງ ຊື່ງໄຄແຜ່ນອົບກອບແມ່ນອາຫານຕົ້ນຕຳລັບດັ້ງເດີມ ທັງນີ້ກໍ່ເພື່ອເປັນການກະຕຸກຊຸກຍູ້ຂະ ບວນການຜະລິດເປັນສິນຄ້າໃຫ້ນັບມື້ນັບແຂງແຮງ.

ສະຫາຍ ສະຫັວນຄອນ ລາຊະມຸນຕີ ກໍ່ໄດ້ເນັ້ນໃຫ້ປະຊາຊົນຜູ້ທີ່ມີເງື່ອນໄຂການຜະລິດໃຫ້ຫຼາຍ ພ້ອມດຽວກັນນັ້ນໃຫ້ເອົາໃຈໃສ່ເລື່ອງຄຸນນະພາບຕາມຫຼັກໂພສະນາການ ສາມາດເປັນສິນຄ້າທີ່ໄດ້ມາດຕະຖານ ສາມາດສົ່ງອອກຂາຍທັງພາຍໃນ ແລະ ຕ່າງປະເທດໃນອະນາຄົດ.